پێش نیوه‌ڕۆى ئه‌مڕۆ چوارشه‌ممه‌23ى ئایارى 2012‌، به‌سه‌رۆکایه‌تیى نێچیرڤان بارزانی سه‌رۆکی حکوومه‌تی هه‌رێمی کوردستان و به‌ئاماده‌بوونى عیماد ئه‌حمه‌د جێگرى سه‌رۆکى حکوومه‌ت؛ کۆبوونه‌وه‌ى ژماره‌ پێنجى ئه‌نجوومه‌نى وه‌زیرانى هه‌رێمى کوردستان به‌ڕێوه‌چوو که‌تیایدا سه‌ردانى وه‌فدى حکوومه‌تى هه‌رێم بۆ ناوچه‌ى شه‌نگال و چه‌ند بابه‌تێکى ترى په‌یوه‌ندیدار به‌کاروبارى وه‌زاره‌ته‌کانى حکوومه‌تى هه‌رێمه‌وه‌؛ تاتوێ کرا و چه‌ند بڕیارێکى گرنگ درا.

بەپێى ئامارێکى وەزارەتى کارو کاروبارى کۆمەڵایەتى لەبنکەکانى چاکسازى کۆمەڵایەتى (هەولێر – سلێمانى – دهۆک) دا نزیکەى (2364) سزادراو هەیە کەبەتاوانى جۆراو جۆر بەندکراوون و لەلایەن وەزارەتى کارەوە سەرپەرشتى و چاودێرى دەکرێن و بنەماکانى چاکسازى کۆمەڵایەتییان بەسەردا جێبەجێدەکرێت. لەو رێژەیەدا (2088) یان سزادراوى گەورەن و (276) یان سزادراواى ژن و منداڵن.

ئەمرۆ، یەک شەممە 20-5-2012 محمد حمە سالح، بەرێوەبەرى گشتى چاودێرىو گەشەپێدانى کۆمەڵایەتى سلێمانى، هەریەک لە پەیمانگەى رووناکى بۆ نابینایان و پەیمانگەى هیواى نابیستانى لە شارى سلێمانى بەسەرکردەوە بەمەبەستى لە نزیکەوە ئاگاداربوون لە چۆنیەتى بەرێوەچونى پرۆسەى تاقیکرنەوەکانى کۆتایى وەرزى خوێندنى ئەمساڵ

پاش نیوەرۆى ئەمرۆ 17-5-2012 (ئاسۆس نەجیب) وەزیرى کارو کاروبارى کۆمەڵایەتى حکومەتى هەرێمى کوردستان لەدیوانى وەزارەت پێشوازى کرد لە (د. بەشیر خلیل حەداد) سەرۆکى لێژنەى ئەوقاف و کاروبارى ئاینى و ژمارەیەک لەئەندامانى لێژنەکە. لەدیدارێکدا باس لەهاوکارى و هەماهەنکى نێوان وەزارەتى کارو کاروبارى کۆمەڵایەتى و پەرلەمانى کوردستان کراو تیشک خرایە سەر هەوڵەکانى وەزارەت بۆ خزمەتکردنى دانیشتوانى هەرێمى کوردستان لەڕێگەى بەرزکردنەوەى پرۆژە یاسا و تاوتێکردنى لەپەرلەمانى کوردستاندا.

نابینایان و بیرکۆڵان و نابیستان و کەمئەندامان کەبەشێکى جەستەیان ناتەواوەو ناتوانن لەخوێندنگاى ئاسایى بخوێنن، لەڕێگەى پەیمانگاکانى سەر بەوەزارەتى کارو کاروبارى کۆمەڵایەتى و هۆکارى تایبەتەوە لەلایەن مامۆستاو سەرپەرشتیارانەوە فێرى خوێندن و شیاندن دەکرێن و درێژە بە خوێندن دەدەن، وەک سەرجەم خوێندکارانى قۆناغەکانى تر بەشدار بوونە لە تاقیکردنەوەکانى کۆتایى ساڵى خوێندنیان.

ئەم سەنتەرە کە ناوەندێکى فێرکارییە لە (25-2-2008) لەلایەن وەزارەتى کاروکاروبارى کۆمەڵایەتییەوە دامەزراوە،سەنتەرەکە جگە لەکردنەوەى خولی فێربوونى پڕۆگرامەکانى زانستى کۆمپیوتەر بۆ نابینایان لەماوەى دەوامى فەرمیدا واڵایە بۆ ئەو نابینایانەى کە سەردانى ئەم سەنتەرە دەکەن.

پێش نیوه‌رۆى ئه‌مرۆ 15/5/2012 (ئاسۆس نه‌جیب عه‌بدوڵا) وه‌زیرى کارو کاروبارى کۆمه‌ڵایه‌تى پێشوازى کرد له‌وه‌فدێکى ده‌سته‌ى (ئیدیکۆس) ى سویدى بۆ گه‌شه‌پێدانى تواناى مرۆیى که‌پێکهاتبوو له‌خاتوو سوسان کریستینه‌سون به‌رێوبه‌رى کارگێرى ده‌سته‌که‌ و بیته‌ر به‌رێوبه‌رى ناوچه‌کان ودیاکۆ شێخ ئاغایى له‌به‌شى په‌یوه‌ندییه‌کان.

رۆژی ١٣/٥/٢٠١٢ وه‌فدى وه‌زاره‌تی کارو کاروباری کۆمه‌ڵایه‌تی حکومه‌تى هه‌رێمى کوردستان که‌پێکهاتبوو له‌ نەسروڵا هیدایه‌ت راوێژکارى وه‌زاره‌ت و احمد نجم الدین به‌ڕێوه‌به‌ری گشتی چاکسازی کۆمه‌ڵایه‌تى له‌وه‌زاره‌تى کارو کاروبارى کۆمه‌ڵایه‌تى هه‌رێم و ژماره‌یه‌ک له‌به‌ڕێوه‌به‌رانى وه‌زاره‌ت به‌شدارییان کرد له‌ وۆرک شۆپى سندوقى نه‌ته‌وه‌ یه‌کگرتووه‌کان بۆ دانیشتووان‌ که‌له‌عه‌مانى پایته‌ختى ئوردن به‌ڕێوه‌ده‌چێت.

جێگرى سەرۆکى حکومەتى هەرێمى کوردستان لەگەڵ وەزیرى کارو کاروبارى کۆمەڵایەتى دوو پرۆژەى قەرزى بچووک لەناو شارى کەلار بەسەردەکاتەوە. لەچوارچێوەى سەردانەکەیدا بۆ گەرمیان ئەمڕۆ 13-5-2012 عیماد ئەحمەد جێگرى سەرۆکى حکومەت لەگەڵ ئاسۆس نەجیب وەزیرى کارو کاروبارى کۆمەڵایەتى و سەرۆکى ئیدارەى گەرمیان و ژمارەیەک لەکاربەدەستانى حکومى و ئیدارى سنوورەکە، دوو پرۆژەى قەرزى بچووکى لەناو شارى کەلار بەسەرکردەوە.

ئەمڕۆ 12-5-2012 لەدیوانى وەزارەت شارى هەولێر بەسەرپەرشتى (ئاسۆس نجیب عەبدوڵا) وەزیرى کارو کاروبارى کۆمەڵایەتى و ئامادەبوونى راوێژکاران و بەڕێوەبەرانى گشتى وەزارەت. کۆبونەوەکانى وەزارەت بۆ دەرکردنى رێنمایى پێویست بۆ یاساى کەمئەندامان درێژەى پێدراو وابڕیاریشە کۆبونەوەکان بۆ رۆژانى داهاتووش بەردەوام بێت.

لەدرێژەى سەردان و بەدواداچوونەکانى وەزیرى کارو کاروبارى کۆمەڵایەتى بۆ چۆنیەتى جێبەجێکردنى پرۆژەکانى وەزارەت لەشارو شارۆچکەکاندا و ئاگاداربوون لەو پرۆژانەى لەقۆناغى جێبەجێکردندایە. ئەمڕۆ 12-5-2012 (ئاسۆس نەجیب عەبدوڵا) وەزیرى کارو کاروبارى کۆمەڵایەتى پرۆژەى دروستکردنى بیناى دایەنگەى بازیانى بەسەرکردەوە کەلەسەر بودجەى وەزارەت بەبڕى 782،369،000 (حەوت سەد و هەشتاو دوو ملیۆن و سێ سەد و شەست و نۆ هەزار) دینار لەماوەى یەک ساڵدا لەسەر ڕووبەری 4125 م2 جێبەجێدەکرێت.

بۆ بەرزکردنەوەى ئاستى تواناکانیان و لەنزیکەوە سوود وەرگرتن لەهەردوو یاساى کارو یاساى خانەنشین و دەستەبەرى کۆمەڵایەتى کرێکاران، سەرلەبەیانى ئەمڕۆ 10/5/2012 ژمارەیەک لەخوێندکارانى قۆناغى سێیەمى کۆلێژى یاسایى زانکۆى سلێمانى، سەردانى وەزارەتى کارو کاروبارى کۆمەڵایەتیان کرد و لەلایەن (ئاسۆس نەجیب) وەزیرى کارو کاروبارى کۆمەڵایەتى بەگەرمى پێشوازیان لێکرا.