له‌مه‌راسیمێکی شایسته‌دا به‌ئاماده‌بونی عه‌دنان موفتی ئه‌ندامی مه‌کته‌بی سیاسی (ی ن ک) و جێگری سه‌رۆکی په‌رله‌مان و نوێنه‌رانی سه‌رۆکی هه‌رێم و سه‌رۆکی حکومه‌ت و ئاسۆس نه‌جیب وه‌زیرى کارو کاروبارى کۆمه‌ڵایه‌تى و فردریک تیسۆ کونسوڵی فه‌ره‌نسا له‌ هه‌رێمی کوردستان و ژماره‌یه‌ک له‌ لێپرسراوانی حزبی و حکومی و که‌سایه‌تی و رۆشنبیران و رۆژنامه‌نوسان. سه‌ندیکای رۆژنامه‌نوسانی کوردستان به‌هه‌ماهه‌نگی له‌گه‌ڵ کونسوڵخانه‌ی فه‌ره‌نسا، یادی دۆستی به‌وفای گه‌لی کورد خاتوو (دانیال میتران – ژنه‌ میهره‌بانه‌که‌ ) کرایه‌وه‌.

بەمەبەستى یەکخستنى موچەى چاودێرى خێزان لەسەرتاسەرى هەرێمى کوردستان لەچوارچێوەى تۆڕى پاراستنى کۆمەڵایەتى و بەستنەوەى بەحکومەتى ناوەندى لەڕێگەى سیستمى داتا بەس. ئەمڕۆ 19-1-2012 بەسەرپەرشتى (ئاسۆس نەجیب عەبدوڵا) وەزیرى کارو کاروبارى کۆمەڵایەتى حکومەتى هەرێم لەشارى هەولێر کۆبونەوەیەکى فراوان لەگەل راوێژکاران و بەڕێوەبەرانى گشتى وەزارەت بەڕێوەچوو.

کەمئەندامان توێژێکى گرنگ و بایەخ پێدراون هەربۆیە لەلایەن وەزارەتى کاروکاروبارى کۆمەلایەتیەوە هاوکارى وپاڵپشتى دەکرێن.بە پێدانى مووچەیەکى مانگانە بەبرى(150.000) دینار بۆ ئەوانەى کە بێ مووچەن وە (100.000) دینار بۆ ئەوانەى کە دوو مووچەن.

وەزارەتى کارو کاروبارى کۆمەڵایەتى لەهەرێمى کوردستان سەرپەرشتى 13 پەیمانگاى تایبەت بە منداڵانى کەمئەندام دەکات کە هەریەک لەم پەیمانگایانە وەک شوێنى خوێندنگا وایە بۆ فێرکردن و تیایدا نزیکەى 2000 هەزار منداڵى کەمئەندام فێرى خوێندن و شیاندن دەکرێن. لەم چوارچێوەیەدا و بەمەبەستى لەنزیکەوە ئاگاداربوون لەچۆنیەتى بەڕێوەچوونى پرۆسەى خوێندن و تاقیکردنەوەى پەیمانگاکانى کەمئەندامان کەسەر بەوەزارەتى کارو کاروبارى کۆمەڵایەتین.

له‌مه‌راسیمێکدا به‌ئاماده‌بوونی نوێنه‌ری وه‌زاره‌تی کارو کاروباری کۆمه‌ڵایه‌تی و ئه‌ندامانی نوسینگه‌ی هه‌ڵه‌بجه‌ی په‌رله‌مانی کوردستان و قایمقامی هه‌ڵه‌بجه‌، له‌ژێر چاودێرى (ئاسۆس نه‌جیب) وه‌زیرى کارو کاروبارى کۆمه‌ڵایه‌تى به‌ردی بناغه‌ی خانه‌ی به‌ساڵاچوانی هه‌ڵه‌بجه‌ دانرا که‌ له‌لایه‌ن خێرخوازێکی ناوچه‌که‌وه‌ له‌سه‌ر رووبه‌ری 3 هه‌زار و 867 مه‌تر زه‌وی دروستده‌کرێت.

دووه‌مین فیستیڤاڵى سه‌نته‌رى رۆشنبیرى ئاسووده‌ بۆ گه‌نج و لاوى ساڵ به‌ئاماده‌بوونى (ئاسۆس نه‌جیب) وه‌زیرى کارو کاروبارى کۆمه‌ڵایه‌تى و (د. کاوه‌ مه‌حمود) وه‌زیرى رۆشنبیرى و پارێزگارى هه‌ولێر و ژماره‌یه‌ک له‌ لێپرسراوانى حزبى و حکومى له‌هۆڵى کتێبخانه‌ى زه‌یتون له‌شارى هه‌ولێر به‌رێوه‌چوو، تیایدا 25 گه‌نج له‌بواره‌کانى به‌رێوه‌بردن و چاڵاکوان له‌بواره‌کانى کۆمه‌ڵگه‌ى مه‌ده‌نى و هونه‌ر و ئه‌ده‌ب و وه‌رزش و کارى رۆژنامه‌وانى وه‌ک گه‌نجى ساڵ خه‌ڵاتکران.

پڕۆژه‌ی قه‌رزی بچووک که‌ پڕۆژه‌یه‌کی وه‌زاره‌تی کارو کاروباری حکومه‌تی هه‌رێمه‌ بۆ دۆزینه‌وه‌ی هه‌لی کارو باشترکردنی ره‌وشی ژیانی گه‌نجان، له‌سنوری سۆرانیش له‌کۆی 700 داواکاری بۆ وه‌رگرتنی قه‌رزی بچووک، 135 گه‌نج ناویان گه‌ڕاوه‌ته‌وه‌و قه‌رزه‌که‌یان وه‌رگرتووه‌، هه‌موو ئه‌و که‌سانه‌ش به‌و پاره‌یه‌ پڕۆژه‌کانیان خستووه‌ته‌گه‌ڕو بوونه‌ته‌ که‌سی خاوه‌ن کارو سوودمه‌ند بۆ خۆیان و ده‌وروبه‌ریان.

له‌ درێژه‌ى کارو چالاکى یه‌کانى دا به‌ره‌و باشتر کردنى بارى چاکسازى یه‌کان و دووباره‌ ڕاهێنانه‌وه‌ى سزادراوان وه‌ک تاکێکى به‌سوود و به‌رهه‌مهێن به‌ر له‌گه‌ڕانه‌وه‌یان بۆ ناو کۆمه‌ڵگا ، به‌ڕێوه‌به‌رایه‌تى چاکسازى ژنان و منداڵان / سلێمانى به‌هاوکارى ڕێکخراوى ڕۆشنبیرى و کۆمه‌ڵایه‌تى خانزاد هه‌ستان به‌سازدانى ئاهه‌نگی کۆتایى خوله‌کانى ( فێربوونى ئارایشتگا و سیرامیک و دروومان ) که‌ بۆ سزادراوانى به‌شى ژنانى سه‌ر به‌به‌ڕێوه‌به‌رایه‌تى چاکسازى ژنان و منداڵان / سلێمانى کرابۆوه‌ و ئه‌مه‌و له‌ چوار چێوه‌ى هه‌ر سێ خوله‌که‌دا که‌ ماوه‌ى ( 3 ) مانگ ى خایاند ( 40 ) سزادراوى ژن سوود مه‌ند بوون

وەزارەتى کارو کاروبارى کۆمەڵایەتى حکومەتى هەرێمى کوردستان لەهەوڵدایە لەڕێگەى داتا بەس موچەى تۆڕى پاراستنى کۆمەڵایەتى لەسەرتاسەرى هەرێمى کوردستان یەکبخات. بەو پێیەى لەئێستادا (48500) خێزان لەپارێزگاکانى هەرێمى کوردستان سوودمەندن لەموچەى تۆڕى پارستنى کۆمەڵایەتى و مانگانە 150 هەزار دینار وەردەگرن.

لە ڕاپرسیەکی ماڵپەری بیروڕا کە(ئایە کام لەوەزیرەکانی کابینەی شەش باشترین خزمەتی کردووە؟)هاوڵاتیان ئازادانە دەنگی خۆیان داوەو ئەنجامی دەنگەکانیش بڵاو دەکەینەوە

د. به‌رهه‌م ساڵح ته‌ئکیدی کرده‌وه‌ یه‌کێک له‌ ئه‌وله‌ویه‌ته‌کانی حکومه‌تی هه‌رێمی کوردستان بایه‌خدان‌و ئاوڕدانه‌وه‌ بووه‌ له‌ژیان‌و گوزه‌رانی که‌مئه‌ندامان‌و خاوه‌ن پێداویستییه‌ تایبه‌ته‌کان و ئه‌مه‌شی وه‌کو ئه‌رکێک سه‌یر کردوه‌، هاوکات په‌سه‌ندکردنی یاسای ماف‌وده‌سکه‌وتی که‌مئه‌ندامان‌و خاوه‌ن پێداویستی تایبه‌تیشی به‌ده‌سکه‌وتێکی گه‌وره‌ وه‌سفکرد بۆ خزمه‌تکردنی ئه‌و توێژه‌ گرنگه‌ و یارمه‌تیدانیان که‌به‌شێوه‌یه‌کی شایسته‌ تێکه‌ڵ به‌کۆمه‌ڵ ببن.

لەبەسەر کردنەوەى چەند دایەنگەیەک لەشارى هەولێر وەزیرى کارو کاروبارى کۆمەڵایەتى ئەوەى دوپاتکردەوە پێویتسە سەرجەم دایەنگە ئەهلییەکان پابەند بن بەرێنمایى و مەرجەکانى وەزارەتى کارو کاروبارى کۆمەڵایەتى لەپێناو فەراهەمکردنى هەموو پێداویستیەکانى بەخێوکردن و پەروەردەکردنى منداڵ. بەپێچەوانەشەوە هەر دایەنگەیەک پابەند نەبێت بەرێنمایى و سیستمى دایەنگاکان بەپێى یاسا مامەڵەى لەگەڵ دەکرێت و رووبەروى داخستن دەبێتەوە.